CICFEMen Deklarazio Feminista

CICFEMek, Valentzian egindako Lehenengo Nazioarteko Zientziaren, Feminismoaren eta Maskulinitateen Kongresuak, Deklarazio Feminista argitaratu zuen eta horrekin Kaieran bat gatoz:

Feministak gara berdintasunaren alde eta genero-indarkeria guztiak gainditzearen alde gauden pertsona guztiak. Feministok mundua eraldatzen ari gara, eta are aldaketa sakonagoa egingo dugu zientzia guztietan erabat eta berdintasunean parte hartzen dugunean. Konpromisoa hartzen dugu zientzia-arlo guztietan genero-diskriminazioa gainditzeko prozesuan behin betiko aurrerapena lortzeko.

Emakumeok askotan baztertu gaituzte genero-gaiei buruzko nazioarteko ebidentzia zientifikoetatik. Feministok konpromisoa hartzen dugu horiek pertsona guztien eskura jartzeko, libre eta doan; horiek ezkuta ez ditzaten lan egingo dugu. Ebidentzia argienetariko bat da genero-indarkeriaren kontra borrokatzen duten emakume eta gizonak nahiz erasotzaileen alde dauden gizonak eta emakumeak daudela, berdintasunaren aldeko emakumeak eta gizonak nahiz horren kontrako gizonak eta emakumeak daudela. Emakume guztiok feministak garela eta gizon guztiak matxistak direla esateak, faltsua izateaz gain, kalte handia egiten dio feminismoari eta, bereziki, lehen eta bigarren mailako genero-indarkeriaren eraso nagusiak jasaten dituztenei.

Berdintasuna, askatasuna, gardentasuna, indarkeriarik eza eta aniztasuna oso balio garrantzitsuak dira feminismoan. Inork ez ditu gure askotariko nortasunak baztertu behar, ezta emakume guztiok gure aukera politikoak, ideologikoak, sinesmenekin lotutakoak edo sexualak gauzatzeko dugun askatasun osoa mugatu ere. Feminismoa aukera jakin baten zerbitzura eta beste batzuen kaltetan erabiltzea instrumentalizazioa da, eta balio horiei kalte handia eragiten die.

Zorionak historia osoan hona heldu ahal izateko lan egin duzuen emakume guztiei. Orain are urrats handiagoa egingo dugu feminismoak zientzian eta gizartean garaitu dezan.

Be the first to comment on "CICFEMen Deklarazio Feminista"

Leave a comment

Your email address will not be published.


*