AEBn eta Ingalaterran egindako luzetarako azterlan batean, haurtzaroko arreta- eta portaera-arazoak helduaroan emaitza txarragoak lortzearekin lotu ziren; pertsonak horiek, era berean, helduaroan diru gutxiago irabazten dute eta hezkuntza-maila txikiagoa dute, baita osasun fisiko eta mental okerragoa ere.
Amerikako Psikologia Elkarteak argitaratutako ikerketa horren arabera,
arreta-arazoak dituzten haurrek hezkuntza-lorpen maila baxuagoak izateko joera dute helduak direnean, eta inpultsibitate-arazoak dituztenek aukera gehiago dute lege-hausteak egiteko.
Ikerketa Dunedinen (Zeelanda Berria) jaio ziren 1037 haurren datuak aztertu zituen beste ikerketa eraginkor baten erreplika da. Zeelanda Berriko ikerketak, 2011n argitaratutakoak, haurtzaroan autokontrolarekin izandako arazoak helduaroko emaitza txarrekin zuzenean lotuta zeudela aurkitu zuen, eta eskala handian lotura horren ebidentziak aurkitu zituen lehena izan zen.
AEBn eta Ingalaterran egindako ikerketaren emaitzak Zeelanda Berrian egindakoaren oso antzekoak izan dira, eta horrek haurrek beren arreta eta portaera kontrolatzeko dituzten trebetasunak bizitzarako garrantzitsuak direla adierazten du. Horregatik, haurrei edozein adinetan arreta eta portaera kontrolatzeko trebetasunak garatzen laguntzeko moduak identifikatzeak benetako onurak eta arrakasta ekar ditzake, Koeppen ustez.
Izan ere, arreta-defizitaren eta hiperaktibitatearen nahasmendua kezka handia bihurtu da familientzat eta irakasleentzat. Familiak eta irakasleak ezinbestekoak gara, eta elkarrekin egindako lanak, elkarrekin garatzen ditugun jarduerek eta estrategiek haurrei eragin diezaiekete, baita euren etorkizunean berebiziko garrantzia izan ere.
Hortaz, hasiera-hasieratik, prebentzio-neurriak garatu ditzakegu ume horiei, ikasle horiei, arrakasta lortzen laguntzeko, eragin sozialeko hezkuntza-jarduerak aplikatuz, bereziki, indarkeriarik gabeko inguruneak sortuz eta familiek hezkuntza-eremu guztietan parte hartzen dutela ziurtatuz.
Egilea: Isabel Mendizabal
