Gehiago jakin nahi duzu Romani kulturaren inguruan? Museo fisikoen xarma galdu gabe, “Museu Virtual del Poble Gitano a Catalunya” edo Kataluniako ijito herriaren museo birtualak erakusketak, albisteak, historia, kultura eta askoz gehiago biltzen ditu.
Museoaren webgunean nabigatzeak aukera ematen digu kontakizun zoragarriak irakurtzeko eta ezagutzeko, hala nola eskoletako esperientziak eta arrakasta akademikoko kontakizunak, bai eta herri horren jatorrian sakontzeko ere, Europara eta penintsulara iritsi zenean. Herri horren historia ere nabarmentzen da, XX. mendeko ijitoen genozidioa eta bizirik atera zirenen ondarea berreskuratuz, ijitoen elkarte-mugimendua, emakume ijitoen elkarte-mugimendua, ijitoen sukaldaritza, erromaniar hizkuntza, musika eta poesia, artea…
Esperientzia dohainik da eta hiru hizkuntzatan eskuratu daiteke: katalana, gaztelania eta ingelesa. Beraz, erromaniar kultura hurbilagotik ezagutzeko jakin-mina baduzu, zalantzarik gabe, gune birtualean murgildu behar zara!
Egilea: Garazi Álvarez
