Periódico Educación-etik itzulita
Aste honetan jakin dugu, iturri fidagarrien arabera, V. B., RTVEko kazetaria, Espainiako hainbat unibertsitaterekin harremanetan jarri dela irakasleei eta ikertzaileei CREA ikerketa-taldearen aldeko iritzia publikoki ez emateko presionatzeko. Gertaera horiek kazetariak berak, lan egiten duen hedabide publikoaren bidez zein sare sozialetan, zabaldutako salaketa anonimo batzuen testuinguruan gertatzen dira.
Periódico Educaciónetik gure kezka sakona adierazi nahi dugu, askatasun akademikoan injerentzia desegokia izan daitekeelakoan. Unibertsitateko irakasleei askatasunez ez adierazteko egiten zaien presioa, batez ere ikerketa-talde honen duintasunari eta errugabetasun-presuntzioari eragiten dien gai batean, bateraezina da unibertsitatearen oinarrizko printzipioekin eta gizarte demokratiko batekin.
Hori dela eta, elkarrizketa formala eskatu diogu Espainiako Unibertsitateetako Errektoreen Konferentziako (CRUE) komunikazio-taldeari, erakunde horrek gertakari hauen aurrean duen jarrera ezagutzeko. Izan ere, gertakari horiek baieztatuz gero, funtsezko balioei eragingo liekete, hala nola unibertsitate-autonomiari, pentsamendu-askatasunari eta eztabaida pluralarekiko errespetuari.
Unibertsitateak hausnarketa askerako gune izaten jarraitu behar du, presiorik gabe eta inor isilarazi gabe, baita zorroztasunez eta konpromiso etikoz ikertzen dutenak defendatu nahi direnean ere.
Argazkia: Pixabay
