Bihar asteartea, martxoak 3, 17:30etik 19:30era, “Feminismoa: egungo korronteak eta osasuna” izeneko hitzaldia izango da Bilboko La Bolsa Udaltegian (Pilota Kalea 10). Jarduera ADARRA Pedagogi Erakundeak antolatu du, eta feminismoaren egungo ikuspegiak eta osasunaren arloan duten eragina izango dira ardatz nagusiak.
Saioan bi adituk hartuko dute parte. Alde batetik, Lucía Gallego Andrés, Euskal Herriko Unibertsitateko (UPV/EHU) Medikuntza eta Erizaintza Fakultateko Mikrobiologia eta Immunologia Medikoko irakasle titularra. Gallego Emakumeak Medikuntzan Foroaren presidentea da, eta Europako ENLIGHT sareko “Interdisciplinary Network on the Impact of Sex and Gender in Health” egitasmoaren koordinatzailea. 2022an UPV/EHUko 8M Emakumeok lehen lerroan saria jaso zuen.
Bestetik, Olga Serradell Pumareda, UABko Soziologiako irakasle titularra eta Politika eta Soziologia Zientzien Fakultateko dekanoa 2021-2024 aldian. Unibertsitate-esparruan genero-indarkeriaren prebentzioan eta ebidentzia zientifikoetan oinarritutako prestakuntzan aditua da, eta gizartean eragin zuzena duten ekimenak sustatzen ditu.
Hitzaldiaren helburua da feminismoaren korronteak aztertzea eta osasunaren ikuspegitik generoaren eraginaz hausnartzea, ikuspegi zientifiko eta sozialetik.
Parte hartzeko, aldez aurretik izena eman behar da, kartelaren bidez eskuragarri dagoen QR kodea erabiliz edo botoi honen bidez:
Ekitaldia irekia da interesa duen edonorentzat, eta eztabaidarako eta hausnarketarako gune bat eskaini nahi du, feminismoa eta osasuna uztartzen dituzten erronka eta aukerei buruz.
Egilea: Garazi Alvarez-Guerrero
